Portal:香港鐵路運輸
香港鐵路運輸概覽
香港嘅城市軌道交通系統總長度超過200公里,由香港鐵路有限公司(港鐵公司)營運,經營範圍包括觀塘綫、荃灣綫、港島綫、將軍澳綫、東涌綫、迪士尼綫、東鐵綫、西鐵綫、馬鞍山綫、機場快綫同南港島綫。另外,港鐵公司亦營運香港唯一嘅輕鐵系統。另一方面,香港電車同山頂纜車呢兩個香港嘅電車系統,都係香港鐵路網絡嘅一部分。
![](http://chped.net/https/upload.wikimedia.org/wikipedia/commons/thumb/1/1c/SP1900_E227.jpg/220px-SP1900_E227.jpg)
港鐵(指市區綫同機場快綫)喺2007年12月2號由1910年啟用嘅九廣鐵路網絡同埋1979年啟用香港地鐵網絡合併而成。源自九鐵嘅路軌使用標準1435毫米標準軌,源自地鐵嘅就用1432毫米軌距。佢起緊或者規劃緊嘅路線有北環綫、屯門南延綫、北港島綫、南港島綫(西段)同沙田至中環綫,以前就有沙頭角支線同和合石支線。
而家香港唯一嘅輕鐵系統由九廣鐵路公司擁有,就租畀港鐵公司營運為期50年。
香港而家有1個纜索鐵路系統,喺香港島行駛,係香港最早嘅鐵路系統。
九廣鐵路喺1911年10月15號至1949年10月14號提供連接九龍同廣州嘅鐵路服務,之後因政治原因停駛,到1979年4月4號先恢復。而家港鐵城際客運服務已經連接中國幾個城市,有京九直通車連接北京、滬九直通車連接上海等。呢啲服務都係靠中國鐵路網絡,包括京廣鐵路同廣深鐵路。另外,2018起完嘅廣深港高速鐵路,就快速連接廣州、深圳同香港西九龍。
精選文
![](http://chped.net/https/upload.wikimedia.org/wikipedia/commons/thumb/4/4f/Lei_Tung_Station_2020_01_part1.jpg/220px-Lei_Tung_Station_2020_01_part1.jpg)
利東站(粵拼:lei6 dung1 zaam6;英文:Lei Tung Station)係香港一鐵路車站,喺香港島鴨脷洲東北利東邨附近,歸港鐵南港島綫,2016年12月28號啟用。呢個站係目前港鐵系統入面最南端嘅車站(呢個站開通之前係柴灣站),亦曾經成為中國最南嘅地鐵站(2019年俾澳門輕軌蓮花口岸站取代)。呢個站最高點比海平面高70米,係港鐵系統當中海拔最高嘅地底車站。
由於車站大堂距離利東邨地面約50米,港鐵用四部雙門升降機取代扶手電梯接駁兩層,升降機運作同港島綫香港大學站、西營盤站嘅升降機相若,乘客喺其中一邊入升降機,升降機到達另一層之後,另一邊升降機門就會打開,等乘客離開後另一邊嘅升降機門隨即打開畀樓層乘客進入。
另一邊車站大堂距離鴨脷洲大街地面嘅垂直距離大約係10米,港鐵用一條長大約200米嘅坡道接駁。
呢個車站嘅特色係以「溫暖嘅橙色」作為主色,嚟自上蓋商場原有嘅深啡色,但係建築師解釋唔想位處地底嘅港鐵站顯得太暗,所以最後揀咗鮮橙色。而站裏面亦都設有描繪南區漁港景緻嘅藝術品。
精選圖
![](http://chped.net/https/upload.wikimedia.org/wikipedia/commons/thumb/a/a4/Disneyland_Resort_Station_2009.jpg/300px-Disneyland_Resort_Station_2009.jpg)
迪士尼站喺香港荃灣區大嶼山東北部嘅竹篙灣,係港鐵迪士尼綫嘅總站,喺2005年8月1號配合地鐵迪士尼綫通車而啟用,車站只有1個月台,並裝設月台閘門。車站用咗維多利亞時代風格,同埋係一個開放式車站,設備同裝飾亦模仿19世紀嘅格局,去配合香港迪士尼樂園度假區設計。
你知唔知?
香港鐵路最新動態
- 2021年6月27號:屯馬綫全綫通車,乘客可以由屯門站直坐到烏溪沙站。
- 2021年2月6號:東鐵綫新訊號系統啟用、港鐵東鐵綫現代列車(R-Train)正式投入營運,同日開始所有港鐵近畿川崎列車(千九)正式停用,等緊調離東鐵綫。
- 2021年1月31號:紅磡站屯馬綫新起嘅月台完工並交畀車務部,去到而家所有工程搞掂,進入全面試營運階段。
- 2020年11月12號:沙中綫最後一個動工嘅車站——會展站做咗平頂儀式。
(更多新聞...)
參與編輯
歡迎你編寫香港鐵路運輸嘅文,為香港鐵路運輸相關嘅文做貢獻。
類
其他維基主題