一公升眼淚 (電視劇)

一公升眼淚 1リットルの涙
類型	勵志劇
格式	日本電視劇
原作	木藤亞也
編劇	江頭美智留 大島里美 橫田理惠
導演	村上正典 木下高男
主演	澤尻英龍華 錦戶亮 藥師丸博子 成海璃子 陣內孝則 藤木直人
製作國家／地區	日本
語言	日文
集數	11
每集長度	約45分鐘
配樂	澤田完
主題曲	K 《Only Human》
插曲	Remioromen《粉雪》 Remioromen《3月9日》
製作
製作人	貸川聰子
拍攝地	日本
製作公司	富士電視台
富士電視台首播
聲音制式	立體聲
播出國家／地區	日本
播出日期	2005年10月11號 (2005-10-11)—12月20號 (2005-12-20)
播出時間	逢禮拜二21:00—21:54
無綫電視翡翠台首播
播出國家／地區	香港
播出日期	2006年10月15號 (2006-10-15)—2023年12月24號 (2023-12-24)
播出時間	逢禮拜日22:30-23:15
JET日本台首播
播出國家／地區	臺灣
播出日期	2007年7月2號 (2007-07-02)—7月18號 (2007-07-18)
播出時間	逢禮拜一至四晚22:00
緯來日本台首播
播出國家／地區	臺灣
播出日期	2013年3月26號 (2013-03-26)—4月9號 (2013-04-09)
相關節目
相關節目	Buku Harian Nayla（印尼版） 一公升的眼淚（韓國版）
各地節目名
中國大陸	一公升眼淚
臺灣	一公升的眼淚
港澳	一公升眼淚
出面網頁
IMDb 介紹

《一公升眼淚》（日文：1リットルの涙，英文：1 Litre no Namida），係由富士電視台製作嘅日本電視劇集。呢齣連續劇改編自木藤亞也嘅同名小説《一公升眼淚》，由村上正典同木下高男做導演，同埋由江頭美智留、大島里美、橫田理惠做編劇。呢齣劇喺2005年10月11號首播，香港喺2006年10月首播，而台灣喺2007年7月首播。

另外，富士電視台喺2007年4月5號播放特別篇，香港版本之後亦有跟住播放。

卡士

演員	角色	粵語配音	備註
澤尻英龍華	池內亞也 （主角）	曾秀清	亞也佢因為積極活潑嘅性格令到佢身邊嘅人非常之鍾意佢。亞也嘅屋企經營豆腐店，佢平日有喺舖頭度幫手，屬於心地善良同和藹可親嘅好學生。佢由初中嗰陣就開始加入學校嘅籃球部，亦都鍾意咗籃球部嘅學長。15歲嘅亞也喺2005年3月被診斷患上脊髓小腦萎縮症，當時正臨近應考高中入學試嗰陣，佢喺症狀發展同趨向嚴重期間經歷咗各種各樣嘅事情同變化，令佢一面流着眼淚嘅同時，一面努力面對疾病同命運。亞也喺絕望入面得到阿媽潮香嘅鼓勵，用寫日記（文章）嚟搵到自己生存嘅意義，令佢一直抱住能夠幫人嘅願望。 亞也最後喺25歲嗰陣唔喺度，佢阿爸阿媽亦都遵照佢嘅意願，將佢嘅遺體捐贈嚟捐贈俾醫學院作為醫學研究用途而成為『大體老師』。
藥師丸博子	池內潮香 （阿媽）	陳凱婷	佢嘅職業係個保健師，佢係個聰明、仁慈又盡心盡力嘅女性。但係有時都會顯現出嚴厲嘅一面。即使喺亞也面對住症狀一步步轉差嘅時候抱住不安同埋各樣問題，佢都可以用保健師嘅知識，同埋作為阿媽嘅關愛同勇氣，同屋企人一齊持續努力咁去支持亞也。因為佢無幾耐之後對亞也講嘅說話而俾咗亞也人生嘅一個大方向。
陣內孝則	池內瑞生 （阿爸）	陳永信	佢係池內豆腐店嘅老闆。佢有時睇起上嚟好細路仔咁，一方面俾人天真、單純同埋有膽量嘅印象，亦有感情脆弱嘅一面，係喺小商業社區成長嘅典型人物。作為阿爸，佢同老婆仲有一班仔女一齊不斷咁支持亞也。喺池內家裡面，佢係繼亞也之後另一個被描寫喊得最多嘅人。 如果用「靜」嚟比喻潮香嘅眼淚，而佢嘅眼淚就應該歸類做「動」。
成海璃子	池內亞湖 （大妹）	張頌欣	亞也嘅大妹，佢嘅性格由於正處於青春期而有啲反叛同埋成日同阿爸鬥嘴。亞湖好鍾意扮靚，亦都好叻畫畫。亞湖喺唔瞭解亞也嘅病情之前，成日覺得阿爸阿媽偏幫亞也而有啲不滿，但係隨住亞也嘅病情發展，令佢本嚟善解人意嘅性格逐漸咁表露出嚟，仲代替家姐喺東高中畢業，日後亦都同阿媽一樣成為一個保健師。
真田佑馬	池內弘樹 （細佬）	袁淑珍	亞也嘅細佬，好熱愛足球。雖然因為亞也有病而有時受到周圍同輩嘅恥笑，佢曾經嫌棄家姐嘅病，但經過亞湖嘅訓勉已經知道自己嘅錯，弘樹基本上仲係一個性格堅強嘅細路仔。
三好杏依 三好結稀（第10-11集） 森本更紗（特別篇）	池內理加 （細妹）	何璐怡	亞也最細嘅細妹。細個嗰時嘅口頭禪係「理加都係」。 佢同亞湖一樣都有畫畫嘅才能。 喺特別篇裡面讀緊高中1年級。
藤木直人 （特別演出）	水野宏 （主診醫生）	黃啟昌	亞也嘅主診醫生，喺常南大學附屬醫院嘅神經內科做嘢。專科係脊髓小腦萎縮症嘅治療同研究。佢本身喺支持亞也同埋佢父母嘅同時，佢自己亦受到努力面對疾病嘅亞也影響而有啲改變，佢係其中一個對遙斗帶嚟好大影響嘅人。
錦戶亮	麻生遙斗 （同學）	李致林	亞也嘅高中同學兼戀人，佢屬於獨立思考同行動類型嘅人。佢笨拙頑固嘅性格同佢阿爸一模一樣。遙斗因為佢阿哥意外事故嘅關係而同阿爸嘅關係變得對立，亦都唔肯向其他人打開心扉。遙斗對於有關亞也嘅事，不只係愛佢，亦都處處維護佢。由於有呢種諗法，佢喺無幾耐之後就決定咗自己未來嘅志向，後嚟入讀常南大學嘅醫學部，最後做咗神經內科醫生。
松山研一	河本祐二 （籃球部學長）	林元春	亞也喺籃球部嘅師兄，佢係男子籃球部嘅隊長，佢係亞也中學時代開始暗戀嘅對象，但佢喺自亞也有病後就開始疏遠亞也。
小出早織	杉浦麻里 （同學兼好友）	郭湛深	亞也嘅同學，中學時代開始已經係非常好嘅朋友，同亞也一齊都係女子籃球部成員。成日都擔心亞也。
松本華奈	松村早希 （同學兼好友）	林雅婷	亞也嘅同學，同班兼一樣都係女子籃球部成員而做咗朋友。 因為驚亞也嘅病拖累球隊，因為咁而對亞也不滿，但後嚟知道亞也嘅情況令二人好返。
大西麻惠	及川明日美	—	亞也喺養護學校識得嘅同學，佢亦都係亞也嘅室友。明日美同亞也一樣都患咗小腦脊髓萎縮症，明日美喺佢哋兩個啱啱初相識嗰時已經行唔到，亦都開始喪失講嘢嘅能力。
岡本杏理	長嶋水紀	唔知	遙斗做醫生嗰陣負責嘅14歳病人。
大島智子	長嶋恭子	唔知	長嶋水紀嘅媽咪。
甲本雅裕	多岐川誠	唔知	長嶋水紀嘅復健科醫生。
岩橋道子	櫻井奈緒子	唔知	遙斗做醫生嗰陣嘅神經內科總護士長。

播出日程

集數	播放日期		標題	收視率
	日本	香港		日本	香港
1	2005年10月11號 (2005-10-11)	2006年10月15號 (2006-10-15)	青春的開始ある青春の始まり	13.5%	21點
2	2005年10月18號 (2005-10-18)	2006年10月22號 (2006-10-22)	15歲，慢慢靠近的病魔15才、忍びよる病魔	15.1%	20點
3	2005年10月25號 (2005-10-25)	2006年10月29號 (2006-10-29)	病魔為甚麼選上我？病気はどうして私を選んだの?	13.5%	16點
4	2005年11月1號 (2005-11-01)	2006年11月5號 (2006-11-05)	兩個人的孤獨二人の孤独	12.3%	17點
5	2005年11月8號 (2005-11-08)	2006年11月12號 (2006-11-12)	身心障礙手冊障害者手帳	14.6%	16點
6	2005年11月15號 (2005-11-15)	2006年11月26號 (2006-11-26)	異樣的眼光心ない視線	15.2%	19點
7	2005年11月22號 (2005-11-22)	2005年12月3號 (2005-12-03)	我存在的地方私のいる場所	16.2%	14點
8	2005年11月29號 (2005-11-29)	2006年12月10號 (2006-12-10)	一公升的眼淚1リットルの涙	15.4%	16點
9	2005年12月6號 (2005-12-06)	2006年12月7號 (2006-12-07)	活在當下今を生きる	15.5%	15點
10	2005年12月13號 (2005-12-13)	2006年12月24號 (2006-12-24)	情書ラブレター	16.6%	12點
大結局	2005年12月20號 (2005-12-20)	2006年12月30號 (2006-12-30)	去到流盡淚水的遠方遠くへ‧涙の尽きた場所に	20.5%	18點
特別篇	2007年4月5號 (2007-04-05)	---	追憶追憶	17.0%	---
平均收視率				16.16%	16.73%

同原著嘅分別

• 亞也同佢哋屋企人嘅姓氏由「木藤」改成「池內」；
• 現實中嘅亞也有五個兄弟姐妹（依序係：亞也、亞湖、弘樹、賢太郎、理加），但係劇集裡面只有四個人（一男三女），喺劇集裡面細細佬賢太郎無登場；
• 亞也喺劇集裡面嘅阿爸係經營豆腐舖，但現實中嘅亞也爸爸係個上班族；
• 劇集嘅背景圍繞喺兩個叫做「朝日奈市」同「加住市」嘅虛構地方，並唔係現實中嘅愛知縣豐橋市；
• 現實中嘅亞也係喺中三嗰時已經發病，但劇集裡面嘅亞也雖然喺中三，去考高校入學試嗰陣先至出現症狀，正式被診斷患咗脊髓小腦萎縮症就轉咗入讀「明和台東高校」（現實中嘅愛知縣立豐橋東高等學校）之後。（亞也日記裡面對佢主診醫生嘅描述入面都有提及豐橋東高等學校，呢間係亞也心目中嘅名校，劇組喺千葉縣千葉市嘅一間高中去做外景拍攝）；
• 主診醫生由女性變成男性角色（一般認為係為咗俾藤木直人參演）；
• 現實中嘅亞也喺發病之前無參加體育活動；
• 現實中嘅亞也係無戀人嘅，劇中被設定做亞也戀人嘅「遙斗」係電視台應亞也阿媽—潮香嘅要求「想俾亞也拍吓拖」而虛構嘅。遙斗係生物部嘅學生，原著裡面都有生物部學生嘅出現；
• 亞也轉校嘅養護學校係「加住市立加住養護學校」（喺東京都裡面嘅一間所養護學校拍攝嘅，現實入面係愛知縣立岡崎養護學校）；
• 喺亞也生活嘅1980年代，書信係主要嘅聯絡方式，而劇中嘅故事背景設定係2005年，聯絡方式改成用手機；公眾電話亦都由以前嘅撥盤式改成而家嘅按鍵式；
• 由於亞也被設定做1989年出世（即係亞也現實中過咗身之後一年），佢20歲入住常南大學附屬醫院（拍攝地點喺東京大學附屬醫院）嗰時變成2009年，過身嘅年份變成2014年，所以結局變成咗未來的事；
• 根據最後一集嘅相：
  • 明和台東高校嘅校服底色係白色，而愛知縣立豐橋東高等學校嘅底色係深藍色；
  • 池內用嘅拼字版同木藤用嘅係呈相反方向（從右至左 vs. 從左至右），池內用嘅拼字版係無數字嘅；
  • 亞湖喺亞也退學嘅高中畢業，佢踏上咗同阿媽一樣嘅護士之路；而賢太郎同理加喺高中畢業之後，就分別做咗社區警察同埋幼兒教育輔助教師。

特別篇

喺劇集播完之後，劇集嘅官方網站討論區有持續不斷嘅留言，仲好評如潮，好多觀眾喺睇完劇集之後重新反思生命嘅意義，因為咁而促成咗特別篇嘅製作。

《一公升眼淚特別篇 ～追憶～》喺2007年4月5日夜晚21:00-23:48喺日本富士電視台播出，劇情講述亞也過咗身五年之後，以亞也嘅屋企人同埋虛構嘅戀人遙斗做中心嚟展開，穿插住好多原本劇情嘅剪接畫面，亦交織住部份新拍嘅畫面。
喺亞也過咗身五年之後，一直陪喺亞也身邊嘅阿妹亞湖踏上咗護士之路，而喺醫學院畢業嘅遙斗就入咗常南大學附屬醫院做神經內科醫生。失去咗亞也嘅遙斗又再變得封閉同迷失自己，佢對自己無辦法挽救亞也嘅生命覺得強烈嘅自責，佢因為咁對病人都保持住距離。不過當遙斗見到只係得14歲，同亞也患咗相同病症嘅病人長嶋水紀無晒求生意志嘅樣嗰陣，佢決定將亞也嘅事話俾水紀知。

水紀感受到亞也當時嘅煩惱同埋痛苦，但佢俾亞也仍然勇敢堅強求生嘅故事激勵到，從而萌生咗同病魔對抗嘅意志，而遙斗亦都藉住講出亞也嘅故事而走出咗失去亞也嘅痛苦。

雖然亞也已經唔喺人世，但係佢留低嘅回憶同痕跡就永遠咁留喺佢身邊人嘅心裡面。

電視原聲帶

電視劇《一公升的眼淚》原聲大碟 ドラマ「1リットルの涙」オリジナル・サウンドトラック
上田益嘅原聲帶
發行日期	2005年11月23號
唱片公司	SONYBMG

曲序	曲目	時長
1.	一公升的眼淚1リットルの涙 ~メイン・テーマ~	4:10
2.	跨越障礙ハードルを越えて	2:35
3.	你所教授的東西-愛的主題あなたが教えてくれたもの ~愛のテーマ~	3:18
4.	被愛包圍優しさに包まれて	2:45
5.	暗示暗示	2:32
6.	秒時計砂時計	4:17
7.	給你的長傳君へのロング・パス	2:28
8.	落日落日	2:25
9.	病魔偷偷靠近忍び寄る病魔	2:33
10.	仰望藍天ふり仰げば青い空	2:20
11.	眼淚的意義涙の意味	2:32
12.	宣告宣告	2:23
13.	已經不能再歌唱了もう歌えない	2:56
14.	如果可以向你伸手手を伸ばせばあなたが	3:07
15.	苦惱的旋律苦悩の旋律	2:54
16.	時間慢慢流逝流れゆく時間	2:54
17.	找找看探してごらん	2:38
18.	熱鬧的團圓賑やかな団欒	2:22
19.	透明的世界透明な世界	3:03
20.	有限的生命（插曲）生命ある限り ~サブ・テーマ~	4:17
21.	Only Human（Piano Version）	2:57
22.	粉雪（Piano Version）	4:34
23.	Only Human（Cello Version）	3:06

獎項

• 文部科學省選定作品
• 青少年映畫審議會推薦作品
• 厚生勞動省社會保障審議會推薦作品

拎

• 《一公升眼淚》－富士電視台 Template:Link language